തിരുവനന്തപുരം: സംസ്ഥാനത്ത് രാത്രികാല കര്ഫ്യു ഉണ്ടാവില്ല. വാരാന്ത്യ നിയന്ത്രണങ്ങളും ഉടനില്ല. കോവിഡ് അവലോകന യോഗത്തിലാണ് തീരുമാനം. അതേ സമയം ആള്ക്കൂട്ട നിയന്ത്രണം ഏര്പ്പെടുത്താന് തീരുമാനിച്ചിട്ടുണ്ട്. പൊതുചടങ്ങുകളില് 50 പേര്ക്ക് മാത്രമേ അനുമതിയുള്ളൂ. യോഗങ്ങള് ഓണ്ലൈനായി നടത്താനും അവലോകനയോഗം നിര്ദേശിച്ചിട്ടുണ്ട്.
സ്കൂളുകള് ഉടന് അടയ്ക്കില്ല. പൊതു–സ്വകാര്യ പരിപാടികളില് ആള്ക്കൂട്ട നിയന്ത്രണം കര്ശനമാക്കും. ഓഫീസ് പ്രവര്ത്തനങ്ങള് പരമാവധി ഓണ്ലൈനാക്കണം എന്ന നിര്ദേശം നല്കും. അടുത്ത അവലോകന യോഗത്തില് മാത്രമാവും കൂടുതല് നിയന്ത്രണം വേണോ എന്ന കാര്യം തീരുമാനിക്കുക.
