മുന് മിസ് കേരളയും റണ്ണറപ്പും വാഹനാപകടത്തില് മരിച്ചു. 2019 മിസ് കേരള അന്സി കബീര്(25), 2019 മിസ് കേരള റണ്ണര് അപ്പ് അഞ്ജന ഷാജന്(26) എന്നിവരാണ് മരിച്ചത്.
എറണാകുളം വൈറ്റിലയില് പുലര്ച്ചെ ഒരു മണിയോടെയായിരുന്നു അപകടം. ഇവര് സഞ്ചരിച്ചിരുന്ന കാര് എറണാകുളം ബൈപ്പാസ് റോഡില് ഹോളിഡേ ഇന് ഹോട്ടലിനു മുന്നില് വച്ചാണ് അപകടത്തില്പെട്ടത്.
ബൈക്കുമായി കൂട്ടിയിടിക്കാതിരിക്കാന് പെട്ടെന്നു വെട്ടിച്ചതാണ് അപകടമുണ്ടാക്കിയത് എന്നാണ് പൊലീസ് നല്കുന്ന വിവരം.
തിരുവനന്തപുരം ആറ്റിങ്ങല് ആലങ്കോട് സ്വദേശിനിയാണ് അന്സി കബീര്. തൃശൂര് സ്വദേശിനിയാണ് അഞ്ജന ഷാജന്. സംഭവ സ്ഥലത്തുവച്ചു തന്നെ ഇരുവരും മരിച്ചു. നാലുപേരാണ് വാഹനത്തിലുണ്ടായിരുന്നത്. ഒപ്പമുണ്ടായിരുന്ന രണ്ടുപേരില് ഒരാളുടെ നില ഗുരുതരമാണ്. ഇരുവരും എറണാകുളം മെഡിക്കല് സെന്ററില് ചികിത്സയിലുണ്ട്. മരിച്ച രണ്ടുപേരുടെയും മൃതദേഹങ്ങള് ഇവിടെ സൂക്ഷിച്ചിരിക്കുകയാണ്.
