കൊച്ചി: പാലാരിവട്ടം അഴിമതിക്കേസില് ഇബ്രാഹിം കുഞ്ഞിന്റെ ജാമ്യവ്യവസ്ഥയില് ഇളവ്. തിരഞ്ഞെടുപ്പ് കാലത്ത് ഇബ്രാഹിം കുഞ്ഞ് നല്കിയ ഹര്ജി ഹൈക്കോടതി തള്ളിയിരുന്നു. തുടര്ന്ന് ഇബ്രാഹിം കുഞ്ഞ് സമര്പ്പിച്ച ഹര്ജിയില് ഹൈക്കോടതിയാണ് ഇളവ് നല്കിയത്.
കഴിഞ്ഞ മാസം രോഗ വിവരം ഉള്പ്പെടെ ചൂണ്ടിക്കാണിച്ചാണ് ഇബ്രാഹിം കുഞ്ഞ് കോടതിയില് ഹര്ജി സമര്പ്പിച്ചത്.
അന്വേഷണം പൂര്ത്തിയായ കേസില് കുറ്റപത്രം സമര്പ്പിച്ചെന്നും ഏഴര മാസമായി കോടതി നിര്ദേശം പാലിക്കുന്നുണ്ടെന്നും ഹര്ജിയില് പറഞ്ഞിരുന്നു. കേസെടുത്തതിന്റെ പേരില് ഒരു വ്യക്തിയുടെയും സഞ്ചാര സ്വാതന്ത്ര്യം അനിശ്ചിതമായി തടയാന് സാധിക്കില്ലെന്ന് വ്യക്തമാക്കിയാണ് കോടതിയുടെ ഇളവ്.
കേസിലെ അഞ്ചാം പ്രതിയായ ഇബ്രാഹിം കുഞ്ഞിനോട് ജില്ല വിട്ട് പോകരുതെന്ന ഉപാധിയോടെയാണ് ഹൈക്കോടതി ജാമ്യം അനുവദിച്ചത്.
