കേരളത്തില് കൊവിഡ് വാക്സിന് വിതരണം നാളെ മുതല് ആരംഭിക്കും. കുത്തിവയ്പ്പിനായി 133 വാക്സിനേഷന് കേന്ദ്രങ്ങള് സജ്ജമായി. ആദ്യ ദിനമായ നാളെ 13,300 പേര്ക്ക് വാക്സിന് നല്കും. സംസ്ഥാനത്തെത്തിയ 4,33,500 ഡോസ് കൊവിഷീല്ഡ് വാക്സിന് ജില്ലകളിലെത്തിച്ചു. രണ്ട് മുതല് എട്ട് ഡിഗ്രി സെല്ഷ്യസ് വരെ ഊഷ്മാവില് സൂക്ഷിക്കേണ്ട വാക്സിന് പ്രത്യേകം തയാറാക്കിയ വാഹനങ്ങളിലാണ് ജില്ലാ വെയര് ഹൗസുകളിലേക്ക് മാറ്റിയിട്ടുള്ളത്.
കോഴിക്കോട്, തിരുവനന്തപുരം ജില്ലകളില് 11 വീതവും മറ്റ് ജില്ലകളില് ഒമ്ബത് വീതം വാക്സിനേഷന് കേന്ദ്രങ്ങളുമാണ് ഉള്ളത്. സര്ക്കാര് സ്വകാര്യ മേഖലകളിലായി3,68,866 ആരോഗ്യപ്രവര്ത്തകരാണ് ഇതുവരെ രജിസ്റ്റര് ചെയ്തിട്ടുള്ളത്. വാക്സിനേഷന് സംസ്ഥാനം പൂര്ണ സജ്ജമെന്നുംഭയപ്പെടേണ്ട തരത്തിലുള്ള പാര്ശ്വഫലങ്ങള് വാക്സിന് ഇല്ലെന്നും ആരോഗ്യ മന്ത്രി കെ.കെ.ശൈലജ. പറഞ്ഞു.
