ന്യൂഡല്ഹി: ഡല്ഹി തെരഞ്ഞെടുപ്പ് പ്രചാരണ യോഗത്തില് കേന്ദ്രമന്ത്രി അനുരാഗ് താക്കൂര് വിവാദ മുദ്രാവാക്യം വിളിച്ച സംഭവത്തില് തെരഞ്ഞെടുപ്പ് കമ്മീഷന് റിപ്പോര്ട്ട് തേടി. സംഭവം പരിശോധിക്കുകയാണെന്നും കര്ശന നടപടി സ്വീകരിക്കുമെന്നും സംസ്ഥാന തെരഞ്ഞെടുപ്പ് കമ്മീഷന് വ്യക്തമാക്കി. മുദ്രാവാക്യം വിളിക്കുമ്ബോള് റിതാല മണ്ഡലത്തിലെ ബിജെപി സ്ഥാനാര്ത്ഥി മനോജ് ചൗധരിയും വേദിയില് ഉണ്ടായിരുന്നു.
രാജ്യത്തെ ഒറ്റുകാര്ക്ക് നേരെ വെടിവെക്കാനായിരുന്നു കേന്ദ്രമന്ത്രിയുടെ യോഗത്തില് മുദ്രാവാക്യം. രാജ്യത്തെ ഒറ്റുന്നവര്ക്കെതിരെ എന്ന് ആഹ്വാനം ചെയ്ത താക്കൂര്, പ്രവര്ത്തകരെക്കൊണ്ട് ‘വെടിവെക്കൂ‘ മുദ്രാവാക്യം ഏറ്റുവിളിപ്പിക്കുകയും ചെയ്തു.
ഇതോടെ പ്രസംഗത്തിന്റെ വീഡിയോ ട്വിറ്ററില് വൈറലായി. ‘ദേശ് കെ ഗദ്ദറോണ്‘….എന്ന് താക്കൂര് വിളിക്കുകയും ‘ഗോലി മാരോ സാലോണ് കോ‘ എന്ന് പ്രവര്ത്തകരെക്കൊണ്ട് വിളിപ്പിക്കുകയുമായിരുന്നു. മുതിര്ന്ന നേതാവ് ഗിരിരാജ് സിംഗിന്റെ സാന്നിധ്യത്തിലായിരുന്നു കേന്ദ്രമന്ത്രിയുടെ ആഹ്വാനം.
അനുരാഗ് താക്കൂറിന്റെ പ്രസംഗത്തിനെതിരെ പ്രതിപക്ഷം രംഗത്തെത്തി. അനുരാഗ് താക്കൂറിന്റെ വിവാദ പ്രസ്താവനക്ക് ശേഷം പരിപാടിയില് അമിത് ഷാ എത്തി. കേന്ദ്രമന്ത്രിയുടെ പ്രസ്താവനക്കെതിരെ തെരഞ്ഞെടുപ്പ് കമ്മീഷനില് പരാതി നല്കുമെന്ന് എഎപി നേതാക്കള് അറിയിച്ചു.
തൊഴിലില്ലായ്മ, സാമ്ബത്തിക പ്രതിസന്ധി, വിലക്കയറ്റം എന്നിവ നേരിടുന്നതിനിടെ സഹമന്ത്രി ആളുകളെ വെടിവെച്ച് കൊല്ലാന് ആഹ്വാനം ചെയ്യുകയാണെന്നും എഎപി ആരോപിച്ചു.
