സൊമാറ്റോ, യൂബര് ഈറ്റ്സ് ഇന്ത്യയെ ഏറ്റെടുക്കാന് തയ്യാറെടുക്കുന്നു. യൂബര് ഈറ്റ്സ് ഇന്ത്യ വാങ്ങുന്നതിനായി സൊമാറ്റോ യൂബറുമായി ചര്ച്ച നടത്തി വരികയാണ്. ഏകദേശം 400 മില്യണ് ഡോളറിന്റെ (ഏകദേശം 2836.5 കോടി രൂപ) ഇടപാടായിരിക്കും ഇതെന്നാണ് പുറത്തു വരുന്ന റിപ്പോര്ട്ട്.
യൂബര് സൊമാറ്റോയില് 150 മില്യണ് ഡോളര് (ഏകദേശം 1064 കോടി രൂപ) മുതല് ഏകദേശം 200 മില്യണ് ഡോളര് (1418.7 കോടി രൂപ) വരെ നിക്ഷേപം നടത്താന് സാധ്യതയുണ്ടെന്നാണ് റിപ്പോര്ട്ട്.
ഇന്ത്യയിലെ ഭക്ഷ്യ വിതരണ ബിസിനസ്സ് വില്ക്കാന് യൂബര് പദ്ധതിയിടുന്നതായി കുറച്ചുകാലമായി വാര്ത്തകള് പ്രചരിക്കുന്നുണ്ടായിരുന്നു. ഇപ്പോള്, സോമാറ്റോയും സ്വിഗ്ഗിയുമായും മത്സരിക്കുന്ന ഇന്ത്യന് ഭക്ഷ്യ വിതരണ സേവനത്തില് നിന്നും പിന്മാറാനുള്ള ശ്രമത്തിലാണ് യൂബര് സോമാറ്റോ എന്നിവര് ഒന്നിച്ചാല് ഇന്ത്യയിലെ ഏറ്റവും വലിയ ഓണ്ലൈന് ഭക്ഷണ വിതരണ കമ്ബനിയായി ഇത് മാറും.