ദുബായില്‍ നിന്നും ടെല്‍അവീവിലേക്കുള്ള യാത്രയ്ക്കിടെ ഫ്ലൈ ദുബായ് (FlyDubai) വിമാനത്തില്‍ കോപൈലറ്റ് നടത്തിയ അട്ടിത്രിശ്രമത്തിന് പിന്നില്‍ വലിയ ഗൂഢാലോചനയെന്ന് റിപ്പോര്‍ട്ട്. വിമാനം ടെല്‍അവീവില്‍ ഇടിച്ചിറക്കാന്‍ ലക്ഷ്യമിട്ട് നടത്തിയ ഈ ഭീകരനീക്കം ജൂലൈ മാസത്തില്‍ തന്നെ നടപ്പാക്കാന്‍ പദ്ധതിയിട്ടിരുന്നതായി സഹ പൈലറ്റിന്റെ മൊഴി പുറത്തുവന്നു. അന്താരാഷ്ട്ര മാധ്യമങ്ങളാണ് ഇതുസംബന്ധിച്ച വാര്‍ത്തകള്‍ പുറത്തുവിട്ടത്. കഴിഞ്ഞ ആഴ്ച നടന്ന സംഭവത്തില്‍, വിമാനത്തിലെ സഹ പൈലറ്റ് ഹമാം അല്‍-ഹമ്മാമി ക്യാപ്റ്റന്‍ സ്മിത് മഛ്ഛറിനെ കോക്പിറ്റില്‍ വെച്ച് ആക്രമിക്കുകയായിരുന്നു. എന്നാല്‍ ക്രൂ അംഗങ്ങളുടെയും യാത്രക്കാരുടെയും സമയോചിതമായ ഇടപെടല്‍ മൂലം വന്‍ ദുരന്തമാണ് ഒഴിവായത്.
അന്വേഷണത്തിന്റെ ഭാഗമായി പുറത്തുവന്ന പുതിയ വിവരങ്ങള്‍ അനുസരിച്ച്, ജൂലൈ മാസത്തില്‍ സമാനമായ രീതിയില്‍ ആക്രമണം നടത്താന്‍ പദ്ധതിയിട്ടിരുന്നുവെങ്കിലും വിമാനത്തിലെ ജീവനക്കാരില്‍ ഒരാളുമായി അന്നെയുണ്ടായിരുന്ന സൗഹൃദം കാരണം അവസാന നിമിഷം പിന്മാറുകയായിരുന്നു. തുടര്‍ന്ന് കഴിഞ്ഞ സെപ്റ്റംബര്‍ 30-നായിരുന്നു ഈ ക്രൂരമായ പദ്ധതി നടപ്പിലാക്കാന്‍ ശ്രമിച്ചത്.
ഗുരുതരമായി പരിക്കേറ്റെങ്കിലും ഇന്ത്യന്‍ വംശജനായ ക്യാപ്റ്റന്‍ സ്മിത് മഛ്ഛര്‍ തക്കസമയത്ത് നടത്തിയ ചെറുത്തുനില്‍പ്പും വാതില്‍ തുറക്കാനുള്ള ശ്രമവുമാണ് വിമാനത്തെ രക്ഷിച്ചത്. സംഭവത്തെത്തുടര്‍ന്ന് സൗദി അറേബ്യയിലെ തബൂക്ക് വിമാനത്താവളത്തില്‍ വിമാനം അടിയന്തരമായി ഇറക്കുകയായിരുന്നു. അന്താരാഷ്ട്ര ഏജന്‍സികളുടെ നേതൃത്വത്തില്‍ കേസിനെക്കുറിച്ചുള്ള കൂടുതല്‍ അന്വേഷണങ്ങള്‍ പുരോഗമിക്കുകയാണ്.
