തിരുവനന്തപുരം: ഇടുക്കി നെടുങ്കണ്ടം തൂക്കുപാലത്ത് മീന് കറി കഴിച്ചവര്ക്ക് വയറുവേദനയും പച്ചമീന് കഴിച്ച് പൂച്ചകള് ചാകുന്നതായുമുള്ള വാര്ത്തയെ തുടര്ന്ന് അന്വേഷിച്ച് കര്ശന നടപടിയെടുക്കാന് ആരോഗ്യ വകുപ്പ് മന്ത്രി വീണാ ജോര്ജ് ഭക്ഷ്യ സുരക്ഷാ കമ്മീഷണര്ക്ക് നിര്ദേശം നല്കി.
മന്ത്രിയുടെ നിര്ദേശത്തെ തുടര്ന്ന് ഭക്ഷ്യ സുരക്ഷാ വകുപ്പ് ഇന്നുതന്നെ പ്രദേശത്ത് പരിശോധന നടത്തി സാമ്ബിള് ശേഖരിക്കും. മീന് കേടാകാതിരിക്കാന് എന്തെങ്കിലും മായം ചേര്ത്തിട്ടുണ്ടെങ്കില് കര്ശന നടപടി സ്വീകരിക്കുന്നതാണെന്ന് മന്ത്രി വാര്ത്താകുറിപ്പില് വ്യക്തമാക്കി.
കഴിഞ്ഞ ദിവസമാണ് തൂക്കുപാലത്ത് മീന്കറി കഴിച്ചവര്ക്ക് വയറു വേദന ഉണ്ടായത്. ടൗണിലെ ചില കടകളില്നിന്ന് മീന് വാങ്ങി കഴിച്ചവര്ക്കാണ് അസ്വസ്ഥത അനുഭവപ്പെട്ടത്.
മീന്കറി കഴിച്ച പല കുട്ടികളും വയറുവേദനയെത്തുടര്ന്ന് ആശുപത്രികളില് ചികിത്സ തേടിയിരുന്നു.
