തിരുവനന്തപുരം: സ്വകാര്യ ബസ് പണിമുടക്കില് നിന്നും പിന്നോട്ടില്ലെന്ന് ബസുടമകളുടെ സംഘടന അറിയിച്ചു.നിരക്ക് വര്ധന നടപ്പാക്കാന് സര്ക്കാര് തയാറാകാത്ത സാഹചര്യത്തില് സമരത്തില് നിന്ന് പിന്നോട്ടില്ലെന്ന് സംഘടന അറിയിച്ചു സര്ക്കാര് മാസങ്ങളായി നിരക്ക് വര്ധന നടപ്പില് വരുത്തുമെന്ന വാഗ്ദാനം നല്കുന്നുണ്ടെങ്കിലും ഇതുവരെ തീരുമാനമായിട്ടില്ല. സര്ക്കാര് ബസുകള് എല്ലാം ഓടണമെന്ന് പറയുന്നുണ്ടെങ്കിലും സര്ക്കാര് അതിനുള്ള പശ്ചാത്തലം ഒരുക്കിത്തരുന്നില്ലെന്നും ബസുടമകള് ആരോപിച്ചു.
അതേസമയം സര്ക്കാരിനെ സമ്മര്ദത്തിലാക്കുന്ന സമരവുമായി മുന്നോട്ട് പോകരുതെന്നും കെ എസ് ആര് ടി സി കൂടുതല് സര്വീസ് ബസ്,ഓട്ടോ ടാക്സി പണിമുടക്കുമായി മുന്നോട്ട് പോയാല് നടത്തുമെന്നും ഗതാഗതമന്ത്രി ആന്റണി രാജു പറഞ്ഞു.
സര്ക്കാര് ചാര്ജ് വര്ധന അംഗീകരിച്ചതാണെന്നും ചര്ച്ച അത് എപ്പോള് എങ്ങനെ വേണം എന്നതില് നടക്കുകയാണെന്നും അദ്ദേഹം പറഞ്ഞു. സര്ക്കാരിനെ ഈ സമയത്ത് സമരം കൊണ്ട് സമ്മര്ദപ്പെടുത്താമെന്ന് കരുതേണ്ടെന്നും ഗതാഗത മന്ത്രി ആന്റണി രാജു പറഞ്ഞു.
സ്വകാര്യ ബസ് ഉടമകളുടെ ആവശ്യം മിനിമം ചാര്ജ് 12 രൂപയാക്കി ഉയര്ത്തണമെന്നാണ്. ഇന്ധനവില വര്ധനയുടെ പശ്ചാത്തലത്തില് ആണ് ബസ് ചാര്ജ് കൂട്ടണമെന്ന ആവശ്യ൦. കാലോചിതമായ വര്ധന വിദ്യാര്ത്ഥികളുടെ യാത്രാ നിരക്കില് അനിവാര്യമാണെന്ന് ബസുടമകള് ആവശ്യപ്പെടുന്നു. ബസുടമകള് മുന്പ് തന്നെ സമരത്തിലേക്ക് ചാര്ജ് വര്ധന ഉണ്ടായില്ലെങ്കില് നീങ്ങുമെന്ന മുന്നറിയിപ്പ് നല്കിയിരുന്നു. സ്വകാര്യ ബസ് ഉടമകള് മിനിമം ചാര്ജിന്റെ പകുതിയായി വിദ്യാര്ത്ഥികളുടെ ബസ് ചാര്ജ് വര്ധിപ്പിക്കണമെന്നും ആവശ്യപ്പെട്ടിട്ടുണ്ട്
സ്വകാര്യ ബസ് ഉടമകള് പ്രൈവറ്റ് ബസ് മേഖലയെപ്പറ്റി സംസ്ഥാന ബജറ്റില് പരാമര്ശിക്കാത്തതില് അതൃപ്തിയിലായിരുന്നു. അനിശ്ചിത കാല സമരത്തിലേക്ക് ഈ മാസം 31 നുള്ളില് നിരക്ക് വര്ധന ഉണ്ടായില്ലെങ്കില് നീങ്ങുമെന്നും സ്വകാര്യ ബസുടമകള് അറിയിച്ചിരുന്നു.
