സംസ്ഥാനത്ത് ഏറെ കോളിളക്കം സൃഷ്ടിച്ച മുട്ടിൽ മരംമുറി വഞ്ചനാക്കേസിൽ പ്രതികളായ അഗസ്റ്റിൻ സഹോദരങ്ങൾക്ക് കോടതിയിൽ നിന്നും വീണ്ടും തിരിച്ചടി. കേസിന്റെ വിചാരണ നടപടികൾ നിർത്തിവെക്കണമെന്നാവശ്യപ്പെട്ട് പ്രതികൾ സമർപ്പിച്ച ഹർജിയാണ് ചോറ്റാനിക്കര മജിസ്ട്രേറ്റ് കോടതി തള്ളിയത്.
വയനാട് മുട്ടിലിൽ സംരക്ഷിത വിഭാഗത്തിൽപെട്ട വിലപിടിപ്പുള്ള മരങ്ങൾ അലൈൻമെന്റ് മറികടന്ന് വെട്ടിമാറ്റി കടത്തുകയും, തടികച്ചവടത്തിന്റെ പേരിൽ ലക്ഷങ്ങളുടെ സാമ്പത്തിക വഞ്ചന നടത്തുകയും ചെയ്തുവെന്നാണ് കേസ്. എറണാകുളം അമ്പലമേട് പോലീസ് രജിസ്റ്റർ ചെയ്ത ഈ കേസിൽ റോജി അഗസ്റ്റിൻ, ആന്റോ അഗസ്റ്റിൻ, ജോസ് കുട്ടി അഗസ്റ്റിൻ എന്നിവരാണ് പ്രതികൾ. വിചാരണ നടപടികളുമായി മുന്നോട്ട് പോകാൻ കോടതി തീരുമാനിച്ചതോടെ, പ്രതികൾക്കെതിരെയുള്ള കുറ്റപത്രം വായിച്ചുകേൾപ്പിക്കുന്നതുൾപ്പെടെയുള്ളതുമായ അടുത്തടുത്തെ കോടതി നടപടികൾ അതീവ നിർണ്ണായകമായിരിക്കുകയാണ്.
ഇതുമായി ബന്ധപ്പെട്ട് നേരത്തെ ഹൈക്കോടതിയും പ്രതികളുടെ വിടുതൽ ഹർജികളും വിചാരണ തടയണമെന്ന ആവശ്യവും തള്ളിയിരുന്നു. കേസിൽ നിയമപരമായ യാതൊരു ഇളവുകളും ലഭിക്കില്ലെന്ന് വ്യക്തമാക്കുന്നതാണ് ഇന്ന് ചോറ്റാനിക്കര മജിസ്ട്രേറ്റ് കോടതിയുടെ ഭാഗത്തുനിന്നും ഉണ്ടായിരിക്കുന്ന ഈ കടുത്ത നടപടി. ഔദ്യോഗിക രേഖകൾ വ്യാജമായി ചമച്ചും വനം വകുപ്പിന്റെ അനുമതിയില്ലാതെയുമാണ് പ്രതികൾ മരം മുറിച്ചു കടത്തിയതെന്ന പ്രോസിക്യൂഷൻ വാദത്തിന് ശക്തി പകരുന്നതാണ് കോടതിയുടെ ഈ ഉത്തരവ്. വിചാരണ നടപടികൾ വേഗത്തിൽ പൂർത്തിയാക്കാനാണ് കോടതിയുടെ തീരുമാനം.
