തിരുവനന്തപുരം ശ്രീകാര്യത്ത് ഓടിക്കൊണ്ടിരുന്ന കെ.എസ്.ആർ.ടി.സി ബസിൽ നിന്നും തെറിച്ചു വീണ് വിദ്യാർഥിനിക്ക് പരിക്കേറ്റു. കിഴക്കേക്കോട്ടയിലേക്ക് പോവുകയായിരുന്ന ബസ്സിൽ നിന്നുമാണ് ഇന്ന് രാവിലെ ഈ അപകടം ഉണ്ടായത്.
കുളത്തൂർ തമ്പുരാൻമുക്ക് സ്വദേശി മുബീനയ്ക്കാണ് അപകടമുണ്ടായത്. യാത്രക്കാരുടെ തിരക്കുള്ള സംഭവം. മുൻവശത്തെ വാതിലിലൂടെ ബസിൽ കയറിയ വിദ്യാർഥിനി വാതിൽ അടച്ചെങ്കിലും, ഇതിന്റെ ലോക്ക് കൃത്യമായി വീണിരുന്നില്ല. തുടർന്ന് ബസ് മുന്നോട്ടെടുത്തയുടൻ വാതിൽ അപ്രതീക്ഷിതമായി തുറക്കുകയും, വിദ്യാർഥിനി റോഡിലേക്ക് തെറിച്ചു വീഴുകയുമായിരുന്നു.
വീഴ്ചയിൽ വിദ്യാർഥിനിയുടെ തലയ്ക്കാണ് പരിക്കേറ്റത്. അപകടം കണ്ട ഉടൻ തന്നെ ബസിലുണ്ടായിരുന്ന സഹയാത്രക്കാർ ഉറക്കെ ബഹളം വെച്ചതിനെ തുടർന്ന് ഡ്രൈവർ വാഹനം പെട്ടെന്ന് നിർത്തുകയായിരുന്നു. ഉടൻ തന്നെ പരിക്കേറ്റ കുട്ടിയെ ഇതേ ബസിൽ തന്നെ കയറ്റി തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഡോക്ടർമാരുടെ പരിചരണത്തിലുള്ള കുട്ടിയുടെ നില ഗുരുതരമല്ലെന്നാണ് ലഭിക്കുന്ന പ്രാഥമിക വിവരം.
പൊതുഗാനുഗതാ സംവിധാനങ്ങളിലെ സുരക്ഷാ വീഴ്ചകളെക്കുറിച്ചും, പ്രത്യേകിച്ച് ബസ് വാതിലുകളുടെ ഫിറ്റിംഗും ലോക്കുകളും കൃത്യമായി പാലിക്കേണ്ടതിന്റെ ആവശ്യകതയെക്കുറിച്ചും ഈ സംഭവം വീണ്ടും ഓർമ്മിപ്പിക്കുന്നു. സംഭവത്തിൽ കൂടുതൽ അന്വേഷണങ്ങൾ നടന്നു വരികയാണ്.
