പശ്ചിമേഷ്യയിൽ അമേരിക്ക-ഇറാൻ സംഘർഷം രൂക്ഷമാകുന്നതിനിടെ, ലോകത്തിന്റെ ഊർദ്ദവിതരണത്തെ സ്തംഭിപ്പിച്ച് യെമനിലെ ഹൂതി വിമതർ പുതിയ നീക്കവുമായി രംഗത്ത്. ഹോർമുസ് കടലിടുക്കിന് പിന്നാലെ ചെങ്കടലിലെ പ്രധാന കപ്പൽ പാതയായ ബാബ് അൽ-മന്ദബിലും ഉപരോധം ഏർപ്പെടുത്തുന്നതായി ഹൂതി സൈനിക വക്താവ് യഹ്യ സരി ഔദ്യോഗികമായി പ്രഖ്യാപിച്ചു. സൗദി അറേബ്യയുടെ സമുദ്ര വ്യാപാരത്തെയും എണ്ണ കയറ്റുമതിയെയും പൂർണ്ണമായി ലക്ഷ്യമിട്ടാണ് ഈ പുതിയ ഉപരോധം.
സൗദി അറേബ്യയുടെ തലസ്ഥാനമായ സനായിൽ നടന്ന വ്യോമാക്രമണങ്ങൾക്ക് മറുപടിയായാണ് ഈ നടപടിയെന്ന് ഹൂതികൾ വ്യക്തമാക്കി. ഇതിന് പുറമെ രാഷ്ട്രീയ നേതാവായ മുഹമ്മദ് അൽ-ഫറ അടക്കമുള്ളവരുടെ നേതൃത്വത്തിലുള്ള മുന്നറിയിപ്പുകളും മേഖലയിലെ ഭീഷണി വർദ്ധിപ്പിക്കുന്നു. ഹോർമുസ് കടലിടുക്ക് ഇതിനോടകം തന്നെ തടസ്സപ്പെട്ടതിനാൽ, സൗദി തങ്ങളുടെ പ്രധാന എണ്ണ കയറ്റുമതി ചെങ്കടൽ തീരത്തെ യാൻബു തുറമുഖം വഴിയാണ് നടത്തിയിരുന്നത്. ഹൂതികൾ ഈ പാത കൂടി ഉപരോധിച്ചതോടെ ആഗോള എണ്ണ വിപണി കടുത്ത പ്രതിസന്ധിയിലേക്ക് നീങ്ങുകയാണ്.
ലോകത്തിലെ എണ്ണ-വാതക വിതരണത്തിന്റെ നാലിലൊന്ന് ഭാഗവും കടന്നുപോകുന്ന രണ്ട് പ്രധാന പാതകൾ ഒരേസമയം സ്തംഭിക്കുന്നത് ആഗോളതലത്തിൽ വലിയ ആശങ്കയാണ് സൃഷ്ടിക്കുന്നത്. ഇത് എണ്ണവില കുതിച്ചുയരുന്നതിനും ചരക്കുനീക്കം തടസ്സപ്പെടുന്നതിനും കാരണമാകും. അന്താരാഷ്ട്ര തലത്തിൽ ഊർജ്ജ പ്രതിസന്ധി രൂക്ഷമാകുന്ന ഈ സാഹചര്യത്തിൽ വിപണി വിദഗ്ധരും രാജ്യങ്ങളും അതീവ ജാഗ്രതയിലാണ്.
