തിരുവനന്തപുരം: സമരം ചെയ്തത് കൊണ്ടല്ല കെഎസ്ആര്ടിസി ജീവനക്കാര്ക്ക് ശമ്ബളം നല്കാത്തതെന്നും പെട്ടിയില് പണം ഇല്ലാത്തതുകൊണ്ടാണ് ശമ്ബള വിതരണം വൈകുന്നതെന്നും ധനമന്ത്രി കെ എന് ബാലഗോപാല്.
സമരം ചെയ്തത് കൊണ്ടാണ് ശമ്ബളം നല്കാത്തതെന്ന ഗതാഗതമന്ത്രിയുടെ വാദം തള്ളിക്കൊണ്ടാണ് ധനമന്ത്രിയുടെ പ്രതികരണം. ശമ്ബളവിതരണത്തിന് അധിക ധനസഹായം അനുവദിക്കുമെന്ന സൂചനയും മന്ത്രി നല്കി. സംസ്ഥാനം ഇതുവരെ കടക്കെണിയില് വീണിട്ടില്ലെന്നും മന്ത്രി വ്യക്തമാക്കി.കെഎസ്ആര്ടിസി ശമ്ബള വിതരണത്തിനായി എക്കാലവും സര്ക്കാരിന് ധനസഹായം നല്കാനാകില്ലെന്നും ധനമന്ത്രി ആവര്ത്തിച്ചു.
തൊഴിലാളികള്ക്ക് ശമ്ബളം നല്കേണ്ടത് മാനേജ്മെന്റാണെന്ന ഗതാഗതമന്ത്രിയുടെ പ്രസ്താവനയ്ക്കെതിരെ സിഐടിയു കടുത്ത വിയോജിപ്പ് രേഖപ്പെടുത്തിയ പശ്ചാത്തലത്തിലാണ് വ്യക്തത വരുത്തി ധനമന്ത്രിയും രംഗത്തെത്തിയിരിക്കുന്നത്. സംസ്ഥാനത്തെ സംബന്ധിച്ച് പൊതുമേഖലയുടെ നിയന്ത്രണവും ഉത്തരവാദിത്തവും സര്ക്കാരിനാണെന്ന നിലപാടാണ് സിഐടിയു മുന്നോട്ടുവെക്കുന്നത്.
