കൊച്ചി: നടിയെ ആക്രമിച്ച കേസിലെ ഒന്നാംപ്രതി പള്സര് സുനി നടന് ദിലീപിന് അയച്ച കത്തിന്റെ ഒറിജിനല് കണ്ടെത്തി.കേസിലെ നിര്ണായക തെളിവാണ് ക്രൈബ്രാഞ്ച് സംഘം കണ്ടെത്തിയിരിക്കുന്നത്.
ദിലീപിന് മേലുള്ള കുരുക്ക് മുറുക്കുന്നതാണ് പുതിയ തെളിവിന്റെ കണ്ടെത്തല്. സുനിയുടെ സഹ തടവുകാരനായ കുന്ദംകുളം സ്വദേശി സജിത്തിന്റെ വീട്ടില് നിന്നാണ് കത്ത് കിട്ടിയത്.
പള്സര് സുനിയുടെ കൈയക്ഷരത്തിന്റെ സാമ്ബിള് ക്രൈബ്രാഞ്ച് ശേഖരിച്ചു. കത്തിന്റെ ആധികാരികത ഉറപ്പാക്കാന് വേണ്ടിയാണ് സാമ്ബിള് ശേഖരിച്ചത്. വ്യാഴാഴ്ച ജയിലില് എത്തിയ അന്വേഷണ സംഘം പള്സര് സുനിയുടെ കൈയക്ഷരത്തിന്റെ സാമ്ബിള് ശേഖരിക്കുകയായിരുന്നു. ഈ സാമ്ബിള് ഫോറന്സിക് പരിശോധനക്ക് അയക്കാനാണ് തീരുമാനം.
ദിലീപും പള്സറും തമ്മിലുള്ള ബന്ധം വ്യക്തമാക്കുന്നതാണ് കത്ത്. 2018 മെയ് 7നാണ് ജയിലില് നിന്ന് എഴുതിയ കത്തില് ചെയ്ത തെറ്റ് ഏറ്റ് പറഞ്ഞ് കോടതിയില് മാപ്പിരക്കും എന്നാണ് പറയുന്നത്. അഭിഭാഷകരെയും സാക്ഷികളെയും വിലക്ക് എടുത്താലും സത്യം മൂടിവെക്കാന് ആകില്ല എന്നും കത്തില് എഴുതിയിട്ടുണ്ട്.
ഈ കത്ത് പക്ഷെ ദിലീപിന് കൈമാറാന് കഴിഞ്ഞിരുന്നില്ല.
