കൊച്ചി: കന്യാസ്ത്രീയെ ബലാത്സംഗം ചെയ്തെന്ന കേസില് ഫ്രാങ്കോ മുളയ്ക്കലിനെ കുറ്റവിമുക്തനാക്കിയ വിചാരണ കോടതി വിധിക്കെതിരെ കന്യാസ്ത്രീ ഹൈകോടതിയില്.ഇതേ ആവശ്യവുമായി സര്കാരും ഹൈകോടതിയില് അപീല് നല്കി.
കോട്ടയം സെഷന്സ് കോടതി വിധിക്കെതിരെയാണ് അപീല്. തെളിവുകള് പരിശോധിക്കുന്നതില് വിചാരണക്കോടതി പരാജയപ്പെട്ടുവെന്നാണ് കന്യാസ്ത്രീ ഹൈകോടതിയില് നല്കിയ ഹര്ജിയില് പറയുന്നത്. കോടതി വിധി തെറ്റായ രീതിയില് എന്നും അപീലില് കന്യാസ്ത്രീ പറയുന്നു.
ഇതിനിടെയാണ് ഫ്രാങ്കോ മുളയ്ക്കലിനെ കുറ്റമുക്തനാക്കിയ ഉത്തരവിനെതിരെ സര്കാരും അപീല് നല്കുന്നത്. എജിയുടെ നിയമോപദേശത്തിന്റെ അടിസ്ഥാനത്തിലാണ് അനുമതിയെന്ന് സര്കാര് വ്യക്തമാക്കി. വിചാരണ കോടതി ഉത്തരവിനെതിരെ അപീല് നല്കണമെന്ന് ഡിജിപി റിപോര്ട് നല്കിയിരുന്നു.
