കൊച്ചി: കളമശേരി ഇലക്ട്രോണിക് സിറ്റിയില് നിര്മാണ പ്രവര്ത്തനത്തിനിടെ മണ്ണിടിഞ്ഞുണ്ടായ അപകടത്തിഷ മരിച്ച ഇതര സംസ്ഥാന തൊഴിലാളികളുടെ കുടുംബാംഗങ്ങള്ക്ക് രണ്ട് ലക്ഷം രൂപ വീതം അടിയന്തര ധനസഹായം നല്കുമെന്നും മന്ത്രി വി ശിവന്കുട്ടി അറിയിച്ചു.
സംഭവം തൊഴില് വകുപ്പ് സമഗ്രമായി അന്വേഷിക്കുമെന്നും ഇതിനായി ലേബര് കമ്മീഷണറെ ചുമതലപ്പെടുത്തിയതായി മന്ത്രി അറിയിച്ചു.
സംഭവം നടന്ന സ്ഥലത്ത് എഡിഎമ്മിന്റെ നേതൃത്വത്തില് പരിശോധന നടക്കുകയാണ്. നിര്മാണ പ്രവര്ത്തനങ്ങളില് സുരക്ഷാവീഴ്ചയുണ്ടായോ എന്നാണ് വിദഗ്ധസംഘം പരിശോധിക്കുന്നത്. അഞ്ച് ദിവസത്തിനകം സംഘം റിപ്പോര്ട്ട് സമര്പ്പിക്കും. അനധികൃതമായ മണല് ഊറ്റലാണ് നടക്കുന്നതെന്ന് നാട്ടുകാര് ആക്ഷേപമുയര്ത്തുന്ന പശ്ചാത്തലത്തില് ഇക്കാര്യങ്ങളില് വിശദമായ അന്വേഷണം നടക്കുമെന്നാണ് വിവരം.
പശ്ചിമ ബംഗാള് സ്വദേശികളായ നാല് തൊഴിലാളികളാണ് മരിച്ചത്. അപകടത്തില്പ്പെട്ട എല്ലാവരും ഇതര സംസ്ഥാനത്തൊഴിലാളികളാണ്. ഇവരുടെ പോസ്റ്റ്മോര്ട്ടം ഇന്ന് നടക്കും.
