വികസനത്തില് ആര് എതിരു നിന്നാലും ഈ സര്ക്കാര് മുന്നോട്ട് തന്നെ പോകുമെന്ന് ഷംസീര് എല്.എല്.എ. കെ റെയില് സംബന്ധിച്ച ചര്ച്ചയില് നിയമസഭയില് സംസാരിക്കുകയായിരുന്നു അദ്ദേഹം.
(കെ റെയില്) തൂണ് പറിക്കുന്ന പണിയാണിപ്പോള് ചിലര്ക്കെന്ന് അദ്ദേഹം പറഞ്ഞു. ‘എന്നിട്ട് പൊലീസിന്റെയടുത്തുനിന്ന് അടി കിട്ടിയെന്ന് പറയുന്നു. തൂണൊക്ക പറിച്ചാല് അടിയൊക്കെ കിട്ടും. ഇനിയും കളിച്ചാല് ഇനിയും കിട്ടും‘ –പ്രതിപക്ഷ നിരയെ നോക്കി ഷംസീര് പറഞ്ഞു.
വികസനത്തിന് തുരങ്കം വെക്കാന് ശ്രമിച്ചാല് നേരിടുമെന്നും ഈ സര്ക്കാറിനോട് മുന്നോട്ട് പോകാന് ആവശ്യപ്പെടുകയാണെന്നും അദ്ദേഹം പറഞ്ഞു.
കേരളത്തിന്റെ സാധ്യത ടൂറിസത്തിലാണെന്നും അതിന് കെ റെയില് വേണമെന്നും അദ്ദേഹം പറഞ്ഞു. 2023 ആകുമ്ബോള് രാജസ്ഥാനും ചത്തിസ്ഗഡും കോണ്ഗ്രസിന് നഷ്ടമാകുമെന്നും അപ്പോള് നിങ്ങള് (കോണ്ഗ്രസ്) ഞങ്ങള്ക്ക് (സി.പി.എമ്മിന്) പിന്നിലാകുമെന്നും ഷംസീര് പ്രതിപക്ഷത്തോട് പറഞ്ഞു.
