തിരുവനന്തപുരം: ദേവികുളം മുന് എം.എല്.എയും മുതിര്ന്ന നേതാവുമായ എസ്. രാജേന്ദ്രനെ സി.പി.എമ്മില് നിന്നും സസ്പെന്ഡ് ചെയ്തു.
പാര്ട്ടിയുടെ പ്രാഥമിക അംഗത്വത്തില് നിന്ന് സസ്പെന്ഡ് ചെയ്യാനുള്ള ശുപാര്ശ സിപിഎം സംസ്ഥാന സെക്രട്ടറിയേറ്റ് അംഗീകരിച്ചു. ഒരു വര്ഷത്തേക്കാണ് സസ്പെന്ഷന്.
നിയമസഭാ തെരഞ്ഞെടുപ്പില് ദേവികുളം മണ്ഡലത്തിലെ ഇലക്ഷന് പ്രവര്ത്തനങ്ങളില് രാജേന്ദ്രന് വീഴ്ച വരുത്തിയതായി പാര്ട്ടി അന്വേഷണ കമീഷന് കണ്ടെത്തിയിരുന്നു. തെരഞ്ഞെടുപ്പ് പ്രവര്ത്തനങ്ങളില് ആത്മാര്ത്ഥമായി പ്രവര്ത്തിച്ചില്ല. പ്രചാരണങ്ങളില് നിന്നും വിട്ടുനിന്ന രാജേന്ദ്രന്, ദേവികുളത്ത് ഇടതു വോട്ടുകള് ഭിന്നിപ്പിക്കാന് ശ്രമിക്കുകയും ചെയ്തതായും കമീഷന് കണ്ടെത്തിയിരുന്നു. ഇതിനെ തുടര്ന്നാണ് നടപടി.
പാര്ട്ടി സമ്മേളനങ്ങളില് നിന്നും രാജേന്ദ്രന് വിട്ടുനിന്നിരുന്നു. മൂന്നാര് ഏരിയാ സമ്മേളനത്തിലും രാജേന്ദ്രന് പങ്കെടുത്തിരുന്നില്ല.
