പേരൂര്ക്കട: കോണ്ഗ്രസ് പട്ടം ബ്ലോക്ക് കമ്മിറ്റി ഓഫിസ് കെട്ടിടം അജ്ഞാതര് തകര്ത്തു. കോണ്ഗ്രസ് ഓഫിസ് പ്രവര്ത്തിച്ചിരുന്ന വാടക കെട്ടിടമായിരുന്നു ഇത്.
ശനിയാഴ്ച രാത്രി രണ്ടോടെയാണ് കെട്ടിടം തകര്ക്കപ്പെട്ടത്. കെട്ടിട ഉടമയും വാടകക്കാരും തമ്മില് തര്ക്കമുണ്ടായിരുന്നതായും കോടതിയില് ഇതു സംബന്ധിച്ച് കേസ് നടക്കുകയായിരുന്നെന്നും പേരൂര്ക്കട പൊലീസ് അറിയിച്ചു. കോണ്ഗ്രസ് പ്രവര്ത്തകരുടെ പരാതിയില് കെട്ടിട ഉടമയായ പാറശ്ശാല സ്വദേശിക്കെതിരെ കേസെടുത്തതായി പേരൂര്ക്കട ഇന്സ്പെക്ടര് സജികുമാര് പറഞ്ഞു. വിവരമറിഞ്ഞ് കോണ്ഗ്രസ് നേതാക്കള് സ്ഥലത്തെത്തി പേരൂര്ക്കട പോലീസില് പരാതി നല്കി.
ഞായറാഴ്ച വൈകീട്ടോടെ കോണ്ഗ്രസ് പ്രവര്ത്തകര് സ്ഥലത്ത് കെട്ടിടം പുനര്നിര്മിച്ചു തുടങ്ങി. ഓഫിസ് കെട്ടിടം പൊളിച്ചതിനെതിരെ ഞായറാഴ്ച വൈകീട്ട് കോണ്ഗ്രസ് പ്രവര്ത്തകര് പേരൂര്ക്കടയില് പ്രതിഷേധ പ്രകടനം നടത്തി. അനിഷ്ട സംഭവങ്ങള് ഒഴിവാക്കാന് പൊലീസ് നിരീക്ഷണമേര്പ്പെടുത്തി. ചിത്രം: പേരൂര്ക്കട ജങ്ഷനില് പ്രവര്ത്തിച്ചിരുന്ന കോണ്ഗ്രസ് പട്ടം ബ്ലോക്ക് കമ്മിറ്റി ഓഫിസ് തകര്ത്ത നിലയില്