തിരുവനന്തപുരം: മുഖ്യമന്ത്രി പിണറായി വിജയന് ഇന്ന് ഉച്ചയ്ക്ക് ശേഷം ഡല്ഹിയിലേക്ക് തിരിക്കും. ജോണ് ബ്രിട്ടാസ് എംപിയും മുഖ്യമന്ത്രിയ്ക്കൊപ്പമുണ്ടാകും. പ്രധാനമന്ത്രി നരേന്ദ്ര മോദിയുമായും, കേന്ദ്ര മന്ത്രിമാരുമായും പിണറായി വിജയന് കൂടിക്കാഴ്ച നടത്തും.നാളെയോ, മറ്റന്നാളോ ആകും കൂടിക്കാഴ്ച.
രണ്ടാം തവണ അധികാരമേറ്റതിന് ശേഷം ആദ്യമായിട്ടാണ് മുഖ്യമന്ത്രി ഡല്ഹിയിലേക്ക് പോകുന്നത്. കൊവിഡിന് ശേഷമുള്ള സാമ്ബത്തിക പുനര്നിര്മ്മാണത്തിന് കൂടുതല് സഹായം നേടിയെടുക്കുകയാണ് യാത്രയുടെ മുഖ്യ ലക്ഷ്യം.
സംസ്ഥാനത്ത് കൊവിഡ് വ്യാപനം രൂക്ഷമായി തുടരുന്ന സാഹചര്യത്തില് കൂടുതല് വാക്സിന് ഡോസുകള് അനുവദിക്കണമെന്ന് മുഖ്യമന്ത്രി കേന്ദ്ര സര്ക്കാരിനോട് ആവശ്യപ്പെട്ടേക്കും. കെ റെയില് ഉള്പ്പടെയുള്ള വികസന വിഷയങ്ങളും ചര്ച്ച ചെയ്യും.
