ചെന്നൈ : ലോക്ക്ഡൗണില് ലോക്കായി വീട്ടിലിരിക്കുന്ന റേഷന് കാര്ഡുടമകള്ക്ക് നാലായിരം രൂപ കൈയില് വച്ചുകൊടുത്ത് തമിഴ്നാട് സര്ക്കാര്. സ്റ്റാലിന് സര്ക്കാര് വാഗ്ദ്ധാനം ചെയ്ത 4000 രൂപയുടെ രണ്ടാം ഗഡുവിന്റെ വിതരണമാണ് ആരംഭിച്ചത്. ആദ്യ ഘട്ടത്തില് 2000 രൂപയാണ് നല്കിയിരുന്നത്. ഇപ്പോള് നല്കുന്ന രണ്ടാം ഗഡുവിനൊപ്പം ഭക്ഷ്യകിറ്റും ഉണ്ട്. അഞ്ഞൂറ് രൂപയുടെ ഭക്ഷ്യകിറ്റില് പതിനാല് ഇനത്തിലുള്ള സാധനങ്ങളാണുള്ളത്. 2.11 കോടി കുടുംബങ്ങളിലേക്കാണ് 4000 രൂപ സര്ക്കാര് കൈമാറിയത്. ലോക്ക്ഡൗണ് നിയന്ത്രണങ്ങളാല് തൊഴില് നഷ്ടമായ കുടുംബങ്ങള്ക്ക് ആശ്വാസമാണ് ഈ ആനുകൂല്യങ്ങള്. ഇതിനു മാത്രമായി 240 കോടി രൂപയാണ് സര്ക്കാര് ചെലവിട്ടത്.
കൊവിഡ് നിയന്ത്രണങ്ങള് ഉറപ്പാക്കുന്നതിന് വേണ്ടി രാപ്പകല് പണിയെടുക്കുന്ന പൊലീസിനും സര്ക്കാര് ആശ്വാസമേകുന്നു. പൊലീസുകാരുടെ വേതനത്തില് അയ്യായിരം രൂപയുടെ വര്ദ്ധനവാണ് ഇതിനായി ഏര്പ്പെടുത്തിയത്.
