ന്യൂഡല്ഹി: കൊറോണ വൈറസ് മഹാമാരിയെ തുടര്ന്ന് ഇന്ത്യയില് മരിച്ചവരുടെ എണ്ണം അഞ്ചായി. രാജസ്ഥാനില് ഇറ്റാലിയന് പൗരനായ 69-കാരന് മരിച്ചതാണ് പുതുതായി റിപ്പോര്ട്ട് ചെയ്തിരിക്കുന്നത്.
ജയ്പൂരിലെ ഫോര്ടിസ് ആശുപത്രിയില് ചികിത്സയിലായിരുന്ന ആന്ഡ്രി കാര്ളിയാണ് മരിച്ചത്. ഇയാള് ടൂറിസ്റ്റ് വിസയിലാണ് ഇന്ത്യയിലെത്തിയത്. അതേ സമയം ഇയാല് രോഗമുക്തി നേടിയിരുന്നെന്നും ഹൃദയാഘാതത്തെ തുടര്ന്നാണ് മരിച്ചതെന്നും റിപ്പോര്ട്ടുകളുണ്ട്.
ഇതിനിടെ രാജ്യത്ത് രോഗം ബാധിച്ചവരുടെ എണ്ണം 200 കടന്നു. ഉത്തര്പ്രദേശില് നാല് പേര്ക്കാണ് ഇന്ന് രോഗം സ്ഥിരീകരിച്ചത്. ഇതോടെ യുപിയില് രോഗ ബാധിതരുടെ എണ്ണം 23 ആയി.
രാജ്യത്തെ മൊത്തം രോഗ ബാധിതരില് 32 പേര് വിദേശികളാണ്. മരിച്ച അഞ്ചുപേരില് ഒരു വിദേശി മാത്രമേയുള്ളൂ. കര്ണാടക, പഞ്ചാബ്, ഡല്ഹി, മഹരാഷ്ട്ര എന്നിവിടങ്ങളിലാണ് ഓരോരുത്തര് മരിച്ചത്.
ഇതിനിടെ കൊറോണ വൈറസ് ബാധയെ തുടര്ന്ന് ലോകത്താകമാനം മരിച്ചവരുടെ എണ്ണം പതിനായിരം കടന്നു. 2,44,500 പേര്ക്കാണ് രോഗം സ്ഥിരീകരിച്ചിട്ടുള്ളത്.
