ഡല്ഹി: വടക്കു കിഴക്കന് ഡല്ഹിയില് പൗരത്വ നിയമ അനുകൂലികളും പ്രതികൂലികളും തമ്മിലുള്ള സംഘര്ഷത്തില് മരിച്ചവരുടെ എണ്ണംവീണ്ടും വര്ദ്ധിച്ച് 18 ആയി.കൂടാതെ 55 പോലീസുകാരടക്കം ഇരുനൂറോളം പേര്ക്ക് പരിക്കേറ്റു. ദേശീയ സുരക്ഷാ ഉപദേഷ്ടാവ് അജിത്ത് ഡോവല് സംഘര്ഷ മേഖലയില് സന്ദര്ശിച്ചു സ്ഥിതിഗതികള് വിലയിരുത്തി.
അക്രമികളെ കണ്ടാല് ഉടനെ വെടിവയ്ക്കാന് പോലീസിന് നിര്ദേശം നല്കി യിട്ടുണ്ട്. സംഘര്ഷം വ്യാപിക്കുന്ന നാലിടങ്ങളില് കര്ഫ്യൂ പ്രഖ്യാപിച്ചു. വടക്കു കിഴക്കന് ഡല്ഹിയില് ഒരു മാസത്തേക്കു നിരോധനാജ്ഞയും പ്രഖ്യാപിച്ചിട്ടുണ്ട്.
ഡല്ഹി സംഘര്ഷങ്ങളുടെ പശ്ചാത്തലത്തില് കേന്ദ്ര ആഭ്യന്തര മന്ത്രി അമിത് ഷാ ഇന്നു നിശ്ചയിച്ച കേരള സന്ദര്ശനം റദ്ദാക്കി. സംഘര്ഷങ്ങള്ക്കിടെ നിര്ത്തി വച്ച മെട്രോ സര്വീസുകള് പുനരാരംഭിച്ചതായി ഡല്ഹി മെട്രോ റയില് കോര്പറേഷന് അറിയിച്ചു. എല്ലാ സ്റ്റേഷനുകളും തുറന്നു പ്രവര്ത്തിക്കുമെന്നും, അവര് അറിയിച്ചു.അതേ സമയം സംഘര്ഷം വ്യാപിക്കാതിരിക്കാന് ഡല്ഹി അതിര്ത്തികള് അടച്ചതായി പോലീസും അറിയിച്ചു.
