ശ്രീനിവാസനെ ആശുപത്രിയില് പ്രവേശിപ്പിച്ചു
നടനും തിരക്കഥാകൃത്തും സംവിധായകനുമായ ശ്രീനിവാസന് ദേഹാസ്വസ്ഥ്യം ഉണ്ടായതിനെ തുടര്ന്ന് ചെന്നൈ യാത്ര മുടങ്ങി. ഇന്നലെ വൈകിട്ട് നെടുമ്ബാശേരി വിമാനത്താവളത്തില് നിന്നും സ്പൈസ് ജെറ്റില് ചെന്നൈക്ക് പോകാനെത്തിയ താരത്തിന് പരിശോധനകളെല്ലാം പൂര്ത്തിയാക്കി വിമാനത്തിലേക്ക് കയറുമ്ബോഴായിരുന്നു ശാരീരികാസ്വസ്ഥ്യം അനുഭവപ്പെട്ടത്. തുടര്ന്ന് സഹയാത്രികരെ വിവരമറിയിച്ചതിനെ തുടര്ന്ന് വിമാനത്താവള അധികൃതരുടെ നേതൃത്വത്തില് താരത്തെ അങ്കമാലി എല്.എഫ് ആശുപത്രിയില് എത്തിച്ചു. ഇവിടെ പ്രഥമശുശ്രൂഷ നല്കിയ ശേഷം എറണാകുളം ആസ്റ്റര് മെഡിസിറ്റിയിലേക്ക് മാറ്റി. നേരത്തെ മുതല് ആസ്റ്റര് മെഡിസിറ്റിയിലെ ഡോക്ടറുടെ ചികിത്സയിലാണ് ശ്രീനിവാസന്.