വിഷമിക്കണ്ട, എല്ലാത്തിനും കൂടെയുണ്ടാകും’; സ്ഥാപനം തുടങ്ങാനുള്ള അനുമതിക്കായി ഇനി കോര്പറേഷനിലും ഒരു സ്ഥാപനങ്ങളിലും കയറി ഇറങ്ങണ്ട, രേഖകള് ശരിയാക്കുന്നതിനായി പണം മുടക്കേണ്ടതുമില്ല; മിനിക്ക് മന്ത്രിയുടെ ഉറപ്പ്
കൊച്ചി: ( 21.01.2022) പ്രവാസ ജീവിതം അവസാനിപ്പിച്ച് നാട്ടില് എന്തെങ്കിലും സ്വയം തൊഴില് ചെയ്യാമെന്ന് വിചാരിച്ച് അനുമതിക്കായി അധികൃതരെ സമീപിച്ചപ്പോള് എല്ലാവര്ക്കും വേണ്ടത് കൈക്കൂലി. ഇതേതുടര്ന്ന് ഉദ്യോഗസ്ഥരുടെ മുന്നില് വച്ച് തന്നെ രേഖകള് കീറിയെറിഞ്ഞ മിനി എന്ന യുവതിയുടെ വാര്ത്ത കഴിഞ്ഞദിവസം പുറത്തുവന്നിരുന്നു. സമീപിച്ച ഓരോ ഉദ്യോഗസ്ഥരും 5,000 രൂപ വീതമാണ് കൈക്കൂലി ആവശ്യപ്പെട്ടതെന്നും ഇത്തരത്തില് അഞ്ചുപേരെ സമീപിച്ചുവെന്നും മിനി സോഷ്യല് മീഡിയയിലൂടെ പറഞ്ഞിരുന്നു. വീടിനോടു ചേര്ന്ന് പൊടി മില് സ്ഥാപനം നടത്താനാണ് മിനി കൊച്ചി കോര്പറേഷന് പള്ളുരുത്തി […]