adminസാക്ഷികളെ സ്വാധീനിക്കാന് ശ്രമിക്കുന്നു; ദിലീപിന്റെ അഭിഭാഷകനെതിരെ ആക്രമിക്കപ്പെട്ട നടി
കൊച്ചി: നടിയെ ആക്രമിച്ച കേസില് നടന് ദിലീപിന്റെ അഭിഭാഷകന് രാമന്പിള്ളക്കെതിരെ ആക്രമിക്കപ്പെട്ട നടി രംഗത്ത്. സാക്ഷികളെ സ്വാധീനിക്കാനും തെളിവുകള് നശിപ്പിക്കാനും രാമന്പിള്ള നേതൃത്വം നല്കിയെന്നാണ് നടി ബാര്കൗണ്സിലിന് നല്കിയ പരാതിയില് പറയുന്നത്. അഭിഭാഷകവൃത്തിയുടെ ചട്ടങ്ങള് ലംഘിച്ചു തുടങ്ങിയ ആക്ഷേപങ്ങളാണ് പരാതിയില് ഉള്ളത്. അഭിഭാഷകനെതിരെ അന്വേഷണം നടത്തി നടപടി വേണമെന്ന് ആവശ്യപ്പെട്ട് ബാര്കൗണ്സില് സെക്രട്ടറിക്കാണ് പരാതി നല്കിയിരിക്കുന്നത്. അതേസമയം ഗൂഡാലോചന കേസില് ദിലീപിനെതിരെ പിടി മുറുക്കുകയാണ് ക്രൈം ബ്രാഞ്ച്.