ഉദയകുമാർ കസ്റ്റഡി മരണം: എല്ലാ പ്രതികളെയും വെറുതെ വിട്ട് ഹൈക്കോടതി
കൊച്ചി: കേരളത്തിൽ ഏറെ കോളിളക്കം സൃഷ്ടിച്ച ഉദയകുമാർ കസ്റ്റഡി മരണ കേസിൽ എല്ലാ പ്രതികളെയും വെറുതെ വിട്ട് ഹൈക്കോടതി. സി.ബി.ഐ അന്വേഷണത്തിൽ ഗുരുതരമായ വീഴ്ചകൾ സംഭവിച്ചുവെന്ന് ചൂണ്ടിക്കാട്ടിയാണ് പ്രതികളായ പോലീസ് ഉദ്യോഗസ്ഥരെ കോടതി വെറുതെ വിട്ടത്. നേരത്തെ, വിചാരണക്കോടതി പ്രതികൾക്ക് ജീവപര്യന്തം തടവും വധശിക്ഷയും വിധിച്ചിരുന്നു. ഈ വിധിക്കെതിരെ പ്രതികൾ സമർപ്പിച്ച അപ്പീൽ പരിഗണിച്ചാണ് ഹൈക്കോടതിയുടെ സുപ്രധാന വിധി. 2005-ൽ തിരുവനന്തപുരം ഫോർട്ട് പോലീസ് സ്റ്റേഷനിലാണ് ഉദയകുമാർ കസ്റ്റഡിയിൽ മരിച്ചത്. മോഷണക്കുറ്റം ആരോപിച്ചാണ് പോലീസ് ഉദയകുമാറിനെ കസ്റ്റഡിയിലെടുത്തത്. […]