തിരുവനന്തപുരം: മാധ്യമപ്രവര്ത്തകന് കെ.എം. ബഷീറിനെ കാറിടിച്ച് കൊലപ്പെടുത്തിയെന്ന കേസില് അനാസ്ഥയുമായി പോലീസ്. കേസില് കുറ്റപത്രം സമര്പ്പിക്കാതെ പോലീസ് ഒളിച്ചു കളിച്ചതോടെ ശ്രീറാമിനെ സര്വീസില് തിരിച്ചെടുക്കാന് ശുപാര്ശ. ചീഫ് സെക്രട്ടറി ടോം തോമസ് അധ്യക്ഷനായ സമിതിയാണ് ശ്രീറാമിനെ സര്വീസില് തിരിച്ചെടുക്കാന് മുഖ്യമന്ത്രിക്ക് ശുപാര്ശ നല്കിയിരിക്കുന്നത്. സസ്പെന്ഷന് കാലാവധി ആറുമാസം പിന്നിട്ട സാഹചര്യത്തിലാണ് സാങ്കേതികത്വം ചൂണ്ടിക്കാട്ടി ശ്രീറാമിനെ തിരിച്ചെടുക്കാന് ശുപാര്ശ ചെയ്തിരിക്കുന്നത്. സംഭവത്തെക്കുറിച്ച് അന്വേഷിക്കാനായി പ്രത്യേക അന്വേഷണ കമ്മീഷനെ സര്ക്കാര് നേരത്തെ നിയമിച്ചിരുന്നു. മൂന്നുദിവസത്തിനുള്ളില് ഇതിന്റെ റിപ്പോാര്ട്ട് വരാനിരിക്കവെയാണ് ധൃതിപിടിച്ചുള്ള ശുപാര്ശ. പോലീസ് കുറ്റപത്രം സമര്പ്പിക്കാത്തതിനാലും സസ്പെന്ഷന് കാലാവധി ആറുമാസം പിന്നിടുകയും ചെയ്ത സാഹചര്യത്തില് സസ്പെന്ഷന് റദ്ദാക്കണമെന്നാവശ്യപ്പെട്ട് ശ്രീറാമിന് വേണമെങ്കില് അഡ്മിനിസ്ട്രേറ്റീവ് െ്രെടബ്യൂണലിനെ സമീപിക്കാമെന്ന് ചീഫ് സെക്രട്ടറിയുടെ ഓഫിസ് ചൂണ്ടിക്കാട്ടുന്നു.
2019 `ഓഗസ്റ്റ് മൂന്നിനാണ് തിരുവനന്തപുരം മ്യൂസിയം ജംക്ഷന് സമീപം ശ്രീറാം വെങ്കിട്ടരാമന് ഓടിച്ച കാറിടിച്ച് സിറാജ് ദിനപത്രത്തിന്ന്റെ തിരുവനന്തപുരം ബ്യൂറോ ചീഫായിരുന്ന കെ എം ബഷീര് കൊല്ലപ്പെടുന്നത്. അന്ന് സര്വേ ഡയറക്ടറായിരുന്ന ശ്രീറാമിനെ സര്ക്കാര് സര്വീസില് നിന്ന് സസ്പെന്റ് ചെയ്തിരുന്നു. കേസിന്റെ തുടക്കത്തില് തന്നെ ശ്രീറാമിനെ രക്ഷിക്കാന് പോലിസ് ഒളിച്ചുകളിക്കുകയായിരുന്നു. കുറ്റപത്രം സമര്പ്പിച്ചിരുന്നുവെങ്കില് ചട്ടപ്രകാരം സസ്പെന്ഷന് റദ്ദാക്കാന് സാധിക്കുമായിരുന്നില്ല. അപകടം നടക്കുമ്ബോള് താനല്ല, ഒപ്പമുണ്ടായിരുന്ന സുഹൃത്ത് വഫാ ഫിറോസാണ് വാഹനമോടിച്ചതെന്നായിരുന്നു ശ്രീറാം ചീഫ് സെക്രട്ടറി അധ്യക്ഷനായ ഉദ്യോഗസ്ഥസമിതിക്ക് നല്കിയിരുന്ന വിശദീകരണം. മദ്യപിച്ചെന്നു തെളിയിക്കാനായില്ലെന്നും ശ്രീറാം വാദിച്ചിരുന്നു.
