കൊച്ചി: നിയന്ത്രണം വിട്ടുകൊണ്ടിരിക്കുന്ന ലഹരി വ്യാപനത്തിനെതിരെ ശക്തമായ നടപടി സ്വീകരിച്ച് കൊച്ചി സിറ്റി പോലീസ്. നഗരത്തിൽ ലഹരി മരുന്ന് കൈവശം വച്ചിരുന്ന രണ്ട് ഐടി മേഖലയിലുളള യുവാക്കളെ പൊലീസ് അറസ്റ്റ് ചെയ്തു. ഇവരിൽ നിന്ന് എംഡി എംഎ, എൽഎസ്ഡി സ്റ്റാമ്പ്, മറ്റു ലഹരി വസ്തുക്കൾ എന്നിവയും പിടിച്ചെടുത്തതായി അധികൃതർ അറിയിച്ചു.
ആറംപാലം പ്രദേശത്ത് സ്വകാര്യ ഫ്ലാറ്റിലാണ് അറസ്റ്റ് നടന്നത്. ഈരാറ്റുപേട്ട സ്വദേശികളായ രണ്ട് യുവാക്കളാണ് പിടിയിലായത്. കോളേജ് കാലം മുതൽ ലഹരി മരുന്ന് ഉപയോഗം തുടരുകയായിരുന്നു. ഓൺലൈൻ പ്ലാറ്റ്ഫോമുകൾ വഴിയാണ് ലഹരി മരുന്നുകൾ എത്തിച്ചിരുന്നതെന്ന് അന്വേഷണം വ്യക്തമാക്കുന്നു.
പ്രാഥമിക അന്വേഷണം പ്രകാരം, യുവാക്കൾക്കിടയിൽ ലഹരി മരുന്നിന്റെ ഉപയോഗം വ്യാപകമാകുന്നതിന്റെ ഭാഗമായി ഇവർ ലഹരി വിൽപ്പനയും നടത്തിയിരുന്നുവെന്നാണു സംശയം. പിടിയിലായവരെ വിശദമായി ചോദ്യം ചെയ്യുന്നതോടൊപ്പം ഇവരുടെ പിൻഭാഗത്തുള്ള ലഹരി ശൃംഖലയെ കുറിച്ചും അന്വേഷണം നടക്കുന്നുണ്ടെന്ന് പൊലീസ് അറിയിച്ചു.
