തിരുവനന്തപുരം: സംസ്ഥാനത്ത് 2 പേര്ക്ക് കൂടി സിക്ക വൈറസ് രോഗം സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. തിരുവനന്തപുരം കാട്ടായിക്കോണം സ്വദേശിനി (41), കുമാരപുരം സ്വദേശിനിയായ ഡോക്ടര് (31) എന്നിവര്ക്കാണ് സിക്ക വൈറസ് രോഗം സ്ഥിരീകരിച്ചത്. തിരുവനന്തപുരം മെഡിക്കല് കോളേജ് വൈറോളജി ലാബില് നടത്തിയ പരിശോധനയിലാണ് സിക്ക വൈറസ് സ്ഥിരീകരിച്ചത്.
ഇതോടെ സംസ്ഥാനത്ത് ആകെ 37 പേര്ക്കാണ് സിക്ക വൈറസ് രോഗം സ്ഥിരീകരിച്ചത്. 7 പേരാണ് നിലവില് രോഗികളായുള്ളത്. എല്ലാവരുടേയും ആരോഗ്യനില തൃപ്തികരമാണെന്നും മന്ത്രി കൂട്ടിച്ചേര്ത്തു. കൊറോണയേക്കാള് അപകടകാരിയാണ് സിക്ക വൈറസ് എന്നാണ് ആരോഗ്യവിദഗ്ധരുടെ പഠനം.
എന്നാല് വൈറസ് ബാധയില് ആശങ്കപ്പെടേണ്ട ആവശ്യമില്ലെന്നാണ് തിരുവനന്തപുരം മേയര് ആര്യ രാജേന്ദ്രന് കഴിഞ്ഞ ദിവസം പറഞ്ഞത്. സിക്ക രോഗത്തെ പ്രതിരോധിക്കാന് സംസ്ഥാന സര്ക്കാര് ആക്ഷന് പ്ലാന് തയ്യാറാക്കിയിരുന്നു. ഇതിന്റെ ഭാഗമായി ഒരാഴ്ച വാര്ഡുതല ശുചീകരണവും ഓഫീസുകളിലെ ശുചീകരണവും നടത്തുമെന്നും മേയര് വ്യക്തമാക്കി.
