ആറ്റിങ്ങല്: സുഹൃത്തായ യുവാവിനെ കഴുത്തറുത്ത് കൊലപ്പെടുത്താന് ശ്രമം, യുവതി പിടിയില്. ഗുരുതരമായി പരിക്കേറ്റ യുവാവിനെ മെഡിക്കല് കോളജില് പ്രവേശിപ്പിച്ചു. മംഗലപുരം നിജേഷ് ഭവനില് നിതീഷ്( 30) ആണ് ആക്രമണത്തിന് ഇരയായത്. വെഞ്ഞാറമൂട് സ്വദേശിയായ രശ്മിയെ ആറ്റിങ്ങല് പൊലീസ് കസ്റ്റഡിയിലെടുത്തു. സംഭവ സമയം കൂടെയുണ്ടായിരുന്ന രശ്മിയുടെ ഭര്ത്താവ് രക്ഷപ്പെട്ടു.
നിതീഷിെന്റ കഴുത്തില് ആഴത്തില് മുറിവേറ്റതു കൂടാതെ കൈകളിലും ശരീരത്തിെന്റ ഇരുവശത്തും കുത്തേറ്റിട്ടുണ്ട്. ഞായറാഴ്ച ഉച്ചയ്ക്ക് കോരാണി ഷേക്ക് പാലസിനു സമീപത്തായിരുന്നു സംഭവം. ശരീരമാസകലം മുറിവേറ്റ് ചോര വാര്ന്ന് ഓടിയ നിതീഷിനെയാണ് നാട്ടുകാര് കണ്ടത്. ഓടിക്കൂടിയ നാട്ടുകാര് ഇദ്ദേഹത്തെ ആറ്റിങ്ങല് വലിയകുന്ന് താലൂക്ക് ആശുപത്രിയില് എത്തിച്ചു. ഒപ്പം െപാലീസിലും വിവരം അറിയിച്ചു. പരിക്ക് ഗുരുതരം ആയതിനാല് അവിടെനിന്ന് മെഡിക്കല് കോളജിലേക്ക് അയക്കുകയായിരുന്നു.
നാട്ടുകാര് വിവരം അറിയിച്ചതിനെ തുടര്ന്ന് എസ്.ഐ ജിബിയും സംഘവും ഉടന് സ്ഥലത്തെത്തി രക്ഷപ്പെടാന് ശ്രമിച്ച രശ്മിയെ പിടികൂടുകയായിരുന്നു. അക്ഷയ സെന്റര് ജീവനക്കാരനായ നിതീഷും രശ്മിയും മൂന്നു വര്ഷമായി സുഹൃത്തുക്കളാണ്. ഭര്ത്താവും രശ്മിയുംചേര്ന്ന് ഇയാളെ കോരാണിയിലേക്ക് വിളിച്ചുവരുത്തി കൊലപ്പെടുത്താന് ശ്രമിക്കുകയായിരുന്നു എന്ന് പൊലീസ് പറഞ്ഞു.
നിതീഷ് തെന്നക്കുറിച്ച് മോശമായ കാര്യങ്ങള് സോഷ്യല് മീഡിയ വഴി പ്രചരിപ്പിച്ച് പ്രശ്നം സൃഷ്ടിക്കുകയായിരുന്നുവെന്ന് രശ്മി പൊലീസില് മൊഴിനല്കിയിട്ടുണ്ട്. ആറ്റിങ്ങല് െപാലീസ് വിശദമായ അന്വേഷണം ആരംഭിച്ചു.
