തൃശ്ശൂര്: തൃശൂര് കൊറ്റനല്ലൂരില് കാല്നടയാത്രക്കാരുടെ ഇടയിലേക്ക് കാര് പാഞ്ഞുകയറി അച്ഛനും മക്കളും ഉള്പ്പെടെ നാലുപേര് മരിച്ചു . ഒരാള്ക്ക് ഗുരുതരപരുക്ക് . കൊറ്റനല്ലൂര് സ്വദേശികളായ സുബ്രന് (54)മകള് പ്രജിത (29) , ബാബു (52), മകന് വിപിന് എന്നിവരാണ് മരിച്ചത്.
തുമ്ബൂര് അയ്യപ്പന്കാവ് ഉല്സവം കഴിഞ്ഞു മടങ്ങുകയായിരുന്നു ഇവര്. പുലര്ച്ചെ ഒരു മണിയോടെയായിരുന്നു സംഭവം. ഇടിയുടെ ആഘാതത്തില് ഇവര്ക്കു ഗുരുതരമായി പരുക്കേറ്റിരുന്നു. ഉടന് തന്നെ ഇവരെ തൃശൂരിലെ വിവിധ ആശുപത്രികളിലേക്കു കൊണ്ടു പോയെങ്കിലും ജീവന് രക്ഷിക്കാനായില്ല. ഇരിങ്ങാലക്കുട സ്വദേശി ഓടിച്ച കാറാണ് ഇടിച്ചത്. ഡ്രൈവറേയും കാറിലുണ്ടായിരുന്ന സുഹൃത്തുക്കളേയും കസ്റ്റഡിയിലെടുത്തു. ഡ്രൈവര് മദ്യപിച്ചിരുന്നില്ലെന്നു പൊലീസ് പറഞ്ഞു.
