തിരുവനന്തപുരം: ദേശീയ പൗരത്വ ഭേദഗതിക്കെതിരേ നടത്തിയ പ്രതിഷേധം അക്രമാസക്തമായതിനെ തുടര്ന്ന് കേരളത്തില് നിന്ന് മംഗളൂരുവിലേക്കുള്ള കെഎസ്ആര്ടിസി സര്വീസുകള് നിര്ത്തി. മംഗളൂരുവിലും ദക്ഷിണ കന്നഡ ജില്ലകളിലേക്കുള്ള സര്വീസുകളാണ് താല്ക്കാലികമായി നിര്ത്തിയിരിക്കുന്നത്. അതേസമയം സ്വകാര്യ ബസുകളും കാസര്കോഡ് അതിര്ത്തിയില് സര്വീസ് അവസാനിപ്പിക്കുന്നതായാണ് വിവരം.
അതേസമയം, മംഗളൂരുവിലേക്കുള്ള സര്വീസ് ഉടന് പുനരാരംഭിക്കില്ലെന്നും എല്ലാം ശാന്തമായാലെ സര്വീസ് നടത്തുവെന്നും ഗതാഗത മന്ത്രി അറിയിച്ചു. ഇന്നലെ നടന്ന പ്രതിഷേധങ്ങള്ക്കിടെയുണ്ടായ പോലിസ് വെടിവെപ്പിനെ തുടര്ന്ന് രണ്ട് പേരാണ് കൊല്ലപ്പെട്ടത്. ഇതേതുടര്ന്ന് മംഗളുരു പ്രദേശത്ത് കര്ഫ്യു പ്രഖ്യാപിച്ചിരിക്കുകയാണ്. വിവിധ ഇടങ്ങളില് ഇന്റര്നെറ്റ് സൗകര്യവും നിര്ത്തലാക്കിയിട്ടുണ്ട്.