നെടുമങ്ങാട്: യുവതിയെ വീടിനുള്ളില് മരിച്ച നിലയില് കണ്ടെത്തി. 7 വയസ്സുമുള്ള മകനുമൊത്ത് താമസിക്കുകയായിരുന്ന പൂവത്തൂര് ചെല്ലാംകോട് പറമ്ബുവാരം താരാ വിലാസത്തില് രഞ്ജിത(25)നെയാണ് വീടിനുള്ളില് മരിച്ച നിലയില് കണ്ടെത്തിയത്. സംഭവത്തില് രഞ്ജിതയുടെ ഭര്ത്താവ് അജിക്കുട്ടന്(27)നെ പൊലീസ് കസ്റ്റഡിയിലെടുത്തു.
രഞ്ജിതയും ഭര്ത്താവും അകന്ന് കഴിയുകയായിരുന്നു. തിങ്കളാഴ്ച രാവിലെ അമ്മയെ കാണാനില്ലെന്ന് പറഞ്ഞ് രഞ്ജിതയുടെ ഏഴു വയസുകാരന് മകന് ആദിത്യന് അയല്വക്കത്തെ വീട്ടിലെത്തി. അയല്വാസികള് എത്തി നോക്കിയപ്പോഴാണ് വീട്ടിലെ മറ്റൊരു മുറിയില് രഞ്ജിത മരിച്ചു കിടക്കുന്നത് കണ്ടത്. രഞ്ജിതയുടെ കഴുത്തില് മുറിപ്പാടുകളുണ്ടായിരുന്നു. കഴുത്ത് ഞെരിച്ചാണ് കൊലപ്പെടുത്തിയത് എന്ന് പോസ്റ്റുമോര്ട്ടത്തില് വ്യക്തമായി.