ആറ്റിങ്ങല്: പരിസ്ഥിതി വകുപ്പിന്റെ ഉത്തരവ് പ്രകാരം, ഒരു തവണ മാത്രം ഉപയോഗിച്ച് കളയുന്ന പ്ലാസ്റ്റിക് വസ്തുക്കള് ജനുവരി 1 മുതല് സംസ്ഥാനത്ത് പൂര്ണമായും നിരോധിക്കും.
ഇതിന്റെ ഭാഗമായി ആറ്റിങ്ങല് നഗരസഭാ പരിധിയില് പ്ലാസ്റ്റിക് കാരി ബാഗുകള്, ഒറ്റത്തവണ ആവശ്യത്തിനുള്ള പ്ലാസ്റ്റിക് എന്നിവ ഉപയോഗിക്കുന്നത് കുറ്റകരമാണ്. നിയമ ലംഘനം നടത്തുന്ന നിര്മ്മാതാക്കള്, മൊത്തവിതരണക്കാര്, ചെറുകിട വില്പനക്കാര്, കടക്കാര്, വില്ക്കുന്നവര് എന്നിവര്ക്കെതിരെ 10,000 രൂപ പിഴ ആദ്യഘട്ടത്തില് ഈടാക്കുമെന്ന് സെക്രട്ടറി അറിയിച്ചു.
രണ്ടാമതും ലംഘനം നടത്തിയാല് 25,000 രൂപ ഈടാക്കാനാണ് തീരുമാനം. കൂടാതെ സ്ഥാപനത്തിന്റെ പ്രവര്ത്തനാനുമതി റദ്ദാക്കും. പൊതുജനങ്ങളും വ്യാപാരികളും ഇതൊരറിയിപ്പായി കരുതി പ്ലാസ്റ്റിക് ഉപയോഗം ഒഴിവാക്കണമെന്ന് ചെയര്മാന് എം.പ്രദീപ് അറിയിച്ചു.
