ഗോവയില് ഈമാസം 20 മുതല് 28 വരെ നടക്കുന്ന അന്താരാഷ്ട്ര ചലച്ചിത്രോത്സവം (ഐ.എഫ്.എഫ്.ഐ.) നടന് അമിതാഭ് ബച്ചന് ഉദ്ഘാടനം ചെയ്യുമെന്ന് കേന്ദ്ര വാര്ത്താവിതരണമന്ത്രി പ്രകാശ് ജാവഡേക്കര് തിങ്കളാഴ്ച അറിയിച്ചു.
നടന് രജനീകാന്തിന് ‘ഐക്കണ് ഓഫ് ഗോള്ഡന് ജൂബിലി‘ പുരസ്കാരം നല്കും. ”ചലച്ചിത്രോത്സവത്തിന്റെ ചരിത്രത്തിലാദ്യമായി ഈ വര്ഷം കൊങ്കിണിസിനിമകള് പ്രദര്ശിപ്പിക്കും. അധികമായി നാലു സ്ക്രീനുകള്കൂടി സര്ക്കാര് ഇത്തവണ ഉള്പ്പെടുത്തിയിട്ടുണ്ട്. 176 രാജ്യങ്ങളില്നിന്നുള്ള 190-ല്പ്പരം സിനിമകള് പ്രദര്ശിപ്പിക്കും” –കേന്ദ്രമന്ത്രി പറഞ്ഞു.
റിലീസ് ചെയ്ത് 50 വര്ഷം പിന്നിടുന്ന 11 സിനിമകളും 50 വനിതാസംവിധായകരുടെ 50 സിനിമകളും പ്രദര്ശിപ്പിക്കുന്നുവെന്ന പ്രത്യേകതയും ഇത്തവണത്തെ ഐ.എഫ്.എഫ്.ഐ.ക്കുണ്ട്. ഫ്രഞ്ച് നടി ഇസബെല്ല ഹുപെര്ട്ടിനെ സമഗ്രസംഭാവനകള്ക്കുള്ള പുരസ്കാരം നല്കി ആദരിക്കും.